Ezagutu aintzinako eta gaur egungo ohituren jatorria baseliza zaharretatik igarotzen den ibilbide baten bitartez. Bisitatu Santutxoa, San Kristobal ermita,...

Ibilbide honek mendiko herri bateko erritu eta sinesmen zaharretara garamatza, iraganeko zein egungo hainbat ohituren jatorriaren berri ematen digun bitartean. Libao erdiguneko auzotik ekingo diogu bideari; bertako ‘Humilladero’ izeneko eraikinak auzoko arauen balioa eta Gurutzean josiaren babesa ekartzen dizkigu gogora. Jarraian, Perris ingurunean barrena aurrera eginez, Gereka auzora helduko gara non aintzineko bidegurutze batean, Kristobal Deunaren baseliza aurkituko dugun. Bertatik haranaren panoramikak gozatu ondoren, Landaguren auzora jaitsiko gara. Han, San Luis de Gonzaga baseliza aurkituko dugu, Bizkaiko kanpaia zaharrenaren egoitza alegia. Gure bidean aurrera egingo dugu Baieneta auzoan barrena, jadanik desagertutako Santa Cruz baselizaren kokalekua zegoen guneraino. Hemendik aurrera egingo dugu, mendeetan zehar toki sakratuaren, Kristautasun aurreko hilarriaren eta Ama Salbatzailearen egoitzaren zaindaria izandako Jainkoaren Andra Mariari ohoreak egiteko. Amaitzeko, Orbe auzoan beherantz eta ibaia zeharkatzean, Libao erdiguneko auzora itzuliko gara bisitatzeko San Martín Eliza, hau da, balio artistiko handiko “gotiko berantiarreko” erretaularen babeslekua.