Ibilbide berezia Burdin Hesiaren defentsa lerroan, Gerra Zibilean eraikitako gotorleku eta lubakiak bisitatzeko. Mendilerroak, basoak eta landaketak inguratz...

Arroetatik abiatu eta Zamudioko teknologia parkea zeharkatu ostean, apurka-apurka Berreaga-Urrusti-Gaztelumendi mendilerrora igotzen da, aurretik San Bartolome ermita albotik igarota. Gerra Zibilean zehar mendilerro honetan eraiki zen Burdin Hesiaren defentsa lerroa, 1936-1937 urteen artean. Baso eta landaketen barrenean oraindik mantentzen dira garai hartan eraiki ziren gotorleku eta lubakiak. Ibilbideak mendigainetik tarte bat egin ostean Fullarantz jaitsi eta baserri, larre eta baso artean, Zamudioko herri gunera bueltatuko da.